برافو عليك..صرت خاين..؟!

لا والله برافو عليك 00

وذي يدي تصفق لك 00

عرفت تلعب بأعصابي 00

عرفت تحرك اشجاني 00

عرفت تدخل لقلبي 00

وتنزع الروح من صدري 00

عرفت تخلق لنفسك

جو ما يليق بأمثالك 00

عرفت تأسر قلب مثل قلبي 00

تحسب سهلة تأسر قلب مثل قلبي 00

لا والله برافو عليك 00

حقيقة من قلبي اصفق لك 00

على غدرك اصفق لك

على جروحي اصفق لك

على الضمير الي بداخلك مات اصفق لك

ولا والله نسيت اقول لك برافو

تعرف تخون وتجي تنعتني بالخوان

انا خوان يا خاين

انا الي خنت احساسك

انا الي خنت لك قلبك

وانا الي جرحت وجدانك باطباعي

تصدق نسيت بعد اقولك ابرافو

عرفت تدرب اقليبي

على بعدك

على كرهك

وللاسف على إني اكون صورة طبق الاصل منك

أي والله أنا خاين

لأني حبيت لي خاين

اعترف لك بالخيانة

توني بس عرفت ليه كنت تنعتني بالخاين

لأنك يا عشيري خنت

وكان لا بد تعيش الظن بوجدانك

ياما قلت لك مرات

ونصحتك بعد مرات

لا تلعب معي بالنار

ترى أول ما تحرق اصابيعك

وهذي نهاية لعبتك بالنار

انحرقنا انا وياك

خاين يحب خاين

وكل واحد يخون بس بطريقته الحلوه

ولا تنسى بقولك بعد ابرافووووو

ابشرك انا تفوقت على استاذي

اي خاين وهو خاين

بس خيانتي اقوى

خيانتي امر

خيانتي انكى

أنت خنتني لانك ما حبيتي بيوم

ادري سهل انك تخوني مع غيري

بس مو سهل ابداً إني أنا أخونك

تدري ليه !

لأنك عارف ومتأكد بأني بصدق حبيتك

وين الصعب بخيانتنا

خيانة الي حب ولا خيانه الي ما عمره بيوم حب

اكيد خيانتي اصعب

اكيد خيانتي اقوى

اكيد خيانتي انكي

وهذا هو الي ابي اوصله

ابي اخونك واخونك واخونك

مع غيرك ابي اخونك

وقدامك ولا تقدر تقولي لا

وبس كافي

واذا تجرأت وجيت قلت لي خاين

بقولك ايه

انا خاين

وبفخر اني انا خنتك

ابفخر اني انتقمت

من احساس الظلم في حبك

شبعت ابلع اهانتك

شبعت اضمد اجروحك

شبعت ابكي على قلبك

شبعت اناجي اطيافك

شبعت اذكر وانت تنسى

شبعت اصفح وانت تخطي

شبعت اشياء كثيرة

شبعت منك ومن جوك

وخلاص حبيبي انا خنتك

انا خنتك

انا خنتك

خلاص بقولها لك وللملأ أنا خنتك

ومع هذا أنا أفضل

لأني خنت وقلت أنا خاين

ولأني انتقمت لنفسي من الخاين

أنا خنتك خلاص روح وتوكل

أنا خاين وأنت خاين

والنهاية

للاسف كانت خيانة

نفس البداية

لو تذكرت البداية

وتذكرت أول فصل من الخيانة في حياتك

أكيد بتعرف ليه كتبت النهايه

باالخيانه...

.................................................. ................................

خاطره رائعه ... حسيتها تعبر عن الوضع الحالي...
الله يكفيكم شر الخيانه ...